أخبار وطنية فيروس "دلـتا" المتحوّر الهندي بتونس: الشخص الواحد المصاب يتسبب في عدوى من 5 إلى 10 أشخاص والسلسلة متواصلة
نشر في 24 جوان 2021 (11:12)
أكد الدكتور رفيق بوجدارية رئيس قسم الاستعجالي بمستشفى عبد الرحمان مامي بان الموجة الحالية التي تعيشها تونس من انتشار فيروس كورونا عنيفة وقوية.
وشدد بوجدارية في تدوينة على صفحته بموقع التواصل الاجتماعي على أن هذه الموجة انتشرت في الولايات التونسية التي فيها نسبة الملقحين فيها ضعيفة، وطالت شباب وأشخاص دون الاربعين وحتى الأطفال..
واوضح بأن هذه الموجة نسبة العدوى فيها مرتفعة جدا، والشخص الواحد يتسبب في عدوى من 5 إلى 10 أفراد R0.
وجاء في تدوينة الدكتور رفيق بوجدارية ما يلي:
"الموجة هذي عنيفة و قوية.
ضربت في ولايات نسبة الملقحين فيها ضعيفة ، و ضربت شباب و ناس دون الاربعين و حتى الأطفال ..
الموجة هذي نسبة العدوى فيها مرتفعة جدا ، الواحد يعدي من 5 إلى 10 أفراد R0.
الموجة هذي تتسبب مباشرة في تعبئة المستشفيات و في نسبة وفيات كبيرة .
الموجة هذي ، المتسبب فيها هو المتحور الهندي اي الفيروس دلتا ، واللي توة موجود في 95 بلاد و أصبح الاول في بريطانيا بعد ما أزاح صاحب الميدان ...باش نعرفو قوته..
الفيروس دلتا يمرضو به الغير ملقحين بنسبة الثلثين 67٪ أي أن التلقيح يحمى منو .و يدخل السبيطار اللي موش ملقحين بنسبة الثلثين ..
و اللي موش ملقحين شكونهم
*اللي التلقيح ما وصلهمش...
*اللي رفضو التلقيح ؟!
*اللي أقل من الخمسين في تونس..
*أقل من الثلاثين في أوربا...
ماهو المطلوب؟؟؟
أربعة حاجات :
1تعزيز الحماية الفردية
2تكثير أسرة الأكسجين
3حجر صحي شامل في المناطق الحمراء أكثر من 400 إصابة في 100.000 أو نسبة تحاليل أكثر من40%.
تعزيز و تقوية الحجر الصحي الموجه في باقي المناطق .
بعد هذا :
لابد لابد لابد لابد لابد لابد لابد
من التلقيح التلقيح التلقيح
بسرعة و لاكثر عدد و عن قرب
وهذي مسؤولية الدولة .
أقترح إكتتاب وطني لشراء التلاقيح .
د رفيق بوجدارية.
ربي يستر ..."
